Aelodau Cyswllt Ifanc

Rydym yn cynnal gweithdai am ddim ledled Cymru ar gyfer pobl ifanc rhwng 12 a 18 oed.
Mae’r gweithdai hyn yn ffordd wych i ddod i’n hadnabod ni neu’n cynnig cipolwg ar gyfer Aelodau Cyswllt Ifanc cyn y gweithdai clyweliad.

Cliciwch yma i ddysgu rhagor am y gweithdai am ddim ym Mhenrhys a Casnewydd

Cliciwch yma i ddysgu rhagor am y gweithdai am ddim yn Chaerdydd.

Mae rhaglen Aelodau Cyswllt Ifanc CDCCymru yn rhoi hyfforddiant dawns ysbrydoledig i ddawnswyr ifanc 13-18 oed i ddawnswyr o Gymru neu sy’n byw yng Nghymru. Mae sesiynau’n cael eu cynnal ar ddyddiau Sul yn ystod tymhorau ysgol Cymru rhwng 10:30 – 2:00pm gyda rhai dyddiau gweithdy ychwanegol. Arweinir y sesiynau gan yr Artist Dawns Ymgysylltu, Dawnswyr Cwmni CDCCymru ac artistiaid gwadd.

Ers dros ddau ddegawd, mae Cwmni Dawns Cenedlaethol Cymru (CDCCymru) wedi bod yn meithrin a datblygu rhai o'r dawnswyr mwyaf dawnus ar draws y genedl. Mae Cyn-aelodau Cyswllt Ifanc CDCCymru wedi mynd ymlaen i hyfforddi yn Trinity Laban, Rambert, Northern School of Contemporary Dance, London School of Contemporary Dance Tring Park, Coleg Bird a mwy. Mae rhai hyd yn oed wedi dychwelyd atom fel Myfyrwyr Lleoliad Proffesiynol a Dawnswyr Cwmni.

Wedi’u lleoli yn y Tŷ Dawns, Caerdydd, cartref CDCCymru, mae ein Haelodau Cyswllt Ifanc yn dilyn rhaglen wedi’i chreu gan ein tîm Artistig sy’n cynnwys ein Cyfarwyddwr Artistig, a’n Artist Dawns Ymgysylltu, sy’n goruchwylio ac yn rhoi adborth a chefnogaeth yn ystod y rhaglen. Mae’r rhaglen yn canolbwyntio ar wella sgiliau creadigol a thechnegol mewn dawns gyfoes, ynghyd â datblygu gwaith ar gyfer perfformio.

Mae’r rhaglen Aelodau Cyswllt Ifanc CDCCymru yn cael ei chyflwyno ar y cyd ag Northern School of Contemporary Dance. 

Fel rhan o'r rhaglen Aelodau Cyswllt Ifanc, bydd gennych gyswllt â’r cwmni proffesiynol a all gynnwys:

• Dosbarth dawns teirawr wythnosol (tymor Hydref a Gwanwyn).
• Cyfleoedd perfformio yn cynnwys gwaith newydd wedi’i goreograffu ar gyfer LANSIO - Noson Ddawns
• Ieuenctid yn y Tŷ Dawns ddiwedd mis Tachwedd.
• Cyfle i wylio ymarferion Cwmni a Dosbarthiadau Cwmni CDCCymru.
• Tocyn(nau) am ddim i berfformiadau CDCCymru yng Nghymru.
• Trafodaethau cyn/ar ôl y sioe gyda’r gweithwyr creadigol.
• Mentora gan Artistiaid CDCCymru.
• Sgyrsiau datblygu gyrfa

Dosbarthiadau Wythnosol  

Byddwn yn cynnal y Dosbarthiadau Aelodau Cyswllt Ifanc 2024-25 yn y Tŷ Dawns, Bae Caerdydd ar ddyddiau Sul yn unol â thymhorau hydref a gwanwyn yr ysgolion, 10:30am-2:00pm.

Bydd bob dydd Sul yn cynnwys dwy sesiwn, ac yn ystod y rhain, byddwch yn datblygu'ch sgiliau corfforol, creadigol, technegol a pherfformio. Bydd y sesiynau hyn yn cael eu cyflwyno gan CDCCymru ac artistiaid gwadd, gan weithio ag amrywiaeth o ddulliau symud.

Os ydych yn cael lle ar y rhaglen Aelodau Cyswllt Ballet Cymru, rhowch wybod i ni gan ein bod yn cydweithio â Ballet Cymru i sicrhau y gallwch adael y dosbarth yn gynnar unwaith y mis i fynd i’r sesiynau Ballet Cymru.

Prosiectau a Pherfformiadau

Mae’r rhaglen Artistiaid Cyswllt Ifanc yn cydnabod pwysigrwydd profiad perfformio a chreadigol yn ogystal â dosbarthiadau techneg, ac felly’n cynnig cyfle i weithio ar berfformiad gyda choreograffwyr proffesiynol yn LANSIO – Noson Ddawns Ieuenctid ddydd Sul 10 Tachwedd.

Mae LANSIO yn noson o berfformiadau’n cynnwys rhai o’r grwpiau dawns ieuenctid mwyaf cyffrous o bob cwr o dde a chanolbarth Cymru.

Mae LANSIO yn rhan hanfodol o brofiad yr Aelodau Cyswllt Ifanc felly gwnewch yn siŵr eich bod yn gwirio'r dyddiadau hyn cyn gwneud cais i sicrhau eich bod yn gallu mynychu.

Dysgir Sesiynau Wythnosol gan yr Artist Dawns Ymgysylltiol, Dawnswyr Cwmni Dawns Cenedlaethol Cymru ac artistiaid gwadd – sy’n canolbwyntio’n bennaf ar hyfforddiant Dawns Gyfoes, gan roi sylw’n achlysurol i arddulliau gwadd. Ymhlith yr athrawon y llynedd yr oedd: Alys Davies, Amanda Tomlinson, Camille Giraudeau, Charlotte Pook, Faye Tan, Gaia Cicolani, Harlan Rust, Jack Philp, Jules Young, Sanea Singh, Sarah Rogers, Liam Wallace, Mike Williams, Richard Chappell, Riz Golden, Plamedi Santima, Tom O'Gorman.

Cost 

Mae'r rhaglen Artistiaid Cyswllt Ifanc yn costio cyfanswm o £495 y flwyddyn ar gyfer dosbarthiadau hyfforddiant cyfoes wythnosol, a dyddiau Creu, Ymarfer a Pherfformio.

Gellir talu'r ffioedd mewn pedwar rhandaliad rhwng Medi-Rhagfyr.

Dylech fod ar gael ar gyfer yr holl ddosbarthiadau a pherfformiadau ac ni cheir unrhyw ostyngiad ar gyfer sesiynau a fethir. Os byddwch yn dewis gadael y rhaglen bydd cyfanswm y ffioedd yn dal i fod yn daladwy. 

Rhaid talu’r ffioedd drwy Drosglwyddiad Banc neu Archeb Sefydlog Fisol yn unig - os yw hyn yn peri problem i chi, rhowch wybod i ni os byddwch yn cael cynnig lle.

Bwrsariaethau ac ysgoloriaethau

Os yw arian yn rhwystr i chi, gallwn gynnig cymorth.
Mae gwneud cais yn broses gyflym a syml, ac nid yw’n seiliedig ar brawf modd.
Eleni, rydym yn falch o allu cynnig pum ysgoloriaeth lawn ar gyfer y rhaglen Aelodau Cyswllt Ifanc, a hynny oherwydd cefnogaeth hael gan Leverhulme Trust. 
Bydd yr ysgoloriaethau hyn yn talu cost lawn y rhaglen Aelodau Cyswllt Ifanc 25-26.

Rydym hefyd yn gallu cynnig nifer cyfyngedig o fwrsariaethau ar gyfer cynorthwyo gyda chost y cwrs.

Os ydych chi’n cael cynnig lle ar y rhaglen, a diddordeb mewn ysgoloriaeth neu fwrsariaeth, yr oll sydd angen i chi ei wneud yw cysylltu â young.associates@ndcwales.co.uk i wneud cais am fwrsariaeth, mae mor syml â hynny. 

Ni ellir cyflwyno cais am gymorth ariannol hyd nes bydd cynnig wedi’i wneud a rhaid gwneud hynny o fewn 10 diwrnod o dderbyn y cynnig.