Diwrnod Hwyl i’r Teulu Gweithdai creu propiau a dawnsio am ddim ar gyfer plant 7-11 oed a’u hoedolion! Ymunwch â CDCCymru am weithdy chreu propiau hwyliog, cyn gwylio sioe awr o hyd sy’n cyfuno hwyl y ffair gydag acrobateg a dawns, er mwyn archwilio ystyr bywyd, cychwyniad y byd ffilm, a’r hyn sy’n ein denu at hudoliaeth. Rydym yn cynnig gweithdai am ddim i gynulleidfaoedd Zoetrope, ein sioe newydd ar gyfer ysgolion a theuluoedd. Gall y rhai sy’n mynychu Theatr Sherman, Caerdydd ar ddydd Sadwrn 21 Medi fwynhau gweithdy creu propiau a chael cyfle i ddawnsio, cyn gwylio perfformiad gwych. Gweithgareddau o 1.30yp Nid oes angen cadw eich lle ymlaen llaw. Mae’r gweithdai am ddim i unigolion sy’n meddu ar docynnau ar gyfer y perfformiad Zoetrope. Zoetrope Bydd Zoetrope gan Gwmni Dawns Cenedlaethol Cymru yn ddihangfa hudol, llawn dychymyg i bob oedran. Wedi’i ysbrydoli gan ffair bleser Fictoraidd, syrcas ac animeiddiad cynnar, disgwyliwch weld cast bach o berfformwyr anhygoel o ddawnus yn neidio ac yn olwyn-droi ar draws y llwyfan wedi'u gwisgo fel tsimpansîaid, madfallod a sgerbydau ac yn symud trwy rithiau hudolus clyfar a gynhyrchir gan olau, sain a gwisgoedd. Mae'r coreograffydd enwog, Lea Anderson MBE wedi bod yn gweithio gyda'r dawnswyr talentog o Gwmni Dawns Cenedlaethol Cymru (CDCCymru) i greu eu sioe gyntaf yn arbennig i deuluoedd, a fydd yn cael ei dangos am y tro cyntaf yng Nghaerdydd ym mis Rhagfyr. Archebwch Nawr Beth yw Zoetrope? Mae zoetrope yn ddyfais animeiddio cyn y ffilm sy’n cynhyrchu camargraff o symudiad drwy arddangos cyfres o luniadau neu ffotograffau sy’n dangos camau dilynol y symudiad hwnnw. Beth i’w ddisgwyl yn Zoetrope, gweld y gwagle, cwrdd â’r cymeriadau: Methu cyrraedd y Diwrnod Hwyl i’r Teulu, ond eisiau cymryd rhan? Mae gennym gyfres o fideos a thaflenni gweithgareddau am ddim ichi eu gwneud gartref! Gwnewch eich Zoetrope eich hun Dysgwch ddarn dawns o Zoetrope Ewch ati i greu eich creadur cynhanesyddol eich hun Cyflawnu Tudalen Liwio