Cdccymru Ymddiriedolwr

Ymunwch â Chwmni Dawns Cenedlaethol Cymru fel Ymddiriedolwr a helpwch i ysbrydoli pobl Cymru a’r byd gyda dawnsio gwych.

Pecyn Swydd

Tŷ Agored

Adroddiadau blynyddol

Mae Cwmni Dawns Cenedlaethol Cymru’n chwilio am grŵp amrywiol o bobl i ymuno â ni, sy’n gallu helpu i ysbrydoli pobl Cymru a’r byd gyda dawnsio gwych. Rydym eisiau canfod dulliau newydd o weithio i gyrraedd pobl newydd a gwahanol - i gyflawni ein cenhadaeth i fynegi syniadau y tu hwnt i eiriau, gan archwilio’r hyn y mae’n ei olygu i fyw yng Nghymru a’r byd yn yr oes sydd ohoni.

Rydym yn chwilio am hyd at 4 o ymddiriedolwyr newydd, gan ganolbwyntio fwyaf ar y rhai hynny sydd â sgiliau a phrofiad yn y celfyddydau perfformio, materion cyfreithiol a llywodraethiant, cyllid, dysg a chyfranogiad, a chodi arian. Bydd pob ymddiriedolwr yn gwasanaethu am hyd at 2 dymor o 3 blynedd yr un.

Mae ehangu ymgysylltiad, hyrwyddo arloesedd, dadlau o blaid dawns a meithrin ein gwydnwch wrth wraidd popeth a wneir gan CDCCymru. Rydym wedi ymrwymo i sicrhau bod pawb yng Nghymru’n cael cyfleoedd cyfartal i gael mynediad i fyd dawns.

Rydym yn mynd ati’n arbennig i annog ceisiadau gan bobl nad ydynt yn cael eu cynrychioli’n ddigonol yn y sector dawns, a gan y rheiny sy’n profi gwahaniaethu. Rydym yn ymroddedig i ddiwallu anghenion o ran mynediad; rhowch wybod i ni beth sydd ei angen arnoch. Mae’r swyddi’n ddi-dâl, ond gellir ad-dalu costau.

Mae’r pecyn hwn ar gael yma yn Saesneg.
Anfonwch e-bost at recruitment@ndcwales.co.uk i ofyn am unrhyw fformat arall.

Y dyddiad cau ar gyfer ceisiadau yw hanner dydd, dydd Gwener 27 Mehefin 2025

Tŷ Agored

Ymunwch â ni ar gyfer un o'n sesiynau Tŷ Agored anffurfiol, yn y Tŷ Dawns neu ar-lein lle byddwch chi'n cael y cyfle i gwrdd â'r Ymddiriedolwyr presennol ac aelodau tîm CDCCymru. Wedi'u cynnal gan Alison Thorne (Cadeirydd), mae'r sesiynau hyn yn ffordd wych o ddysgu mwy am ein cenhadaeth, ein gweledigaeth, a'r gwaith a wnawn fel sefydliad.

Byddwch hefyd yn darganfod beth mae'n ei olygu i fod yn Ymddiriedolwr gyda CDCCymru, y sgiliau a'r profiad rydym yn chwilio amdanynt mewn aelodau bwrdd newydd a chael y cyfle i ofyn unrhyw gwestiynau sydd gennych.

Sesiwn 1
Dydd Mercher 4 Mehefin (Bore)
Ar-lein 8.30am - 9.30am
Archebwch

Sesiwn 2
Dydd Llun 16 Mehefin 2025 (Gyda'r nos)
Tŷ Dawns, Bae Caerdydd 5-6pm
Archebwch

Os hoffech fynychu un o'r sesiynau Tŷ Agored, cofrestrwch am le ar ein gwefan trwy glicio yma.