CDCCymru yn Cyflwyno Teithio rhyngwladol Yn yr un modd ag y mae artistiaid rhyngwladol yn ychwanegu dimensiynau cyfoethog at y gwaith a wnawn, mae teithio rhyngwladol yn gwau trwy’r mannau y perfformiwn ynddynt a’r cynulleidfaoedd a gyrhaeddwn. Yn ystod y blynyddoedd diwethaf, mae’r cwmni wedi teithio i Awstria, Ffrainc, yr Almaen, Hong Kong, yr Eidal, Japan, De Corea a’r Swistir. Mae’r gweithiau y teithiwn gyda nhw’n rhyngwladol yn elwa ar ardal berfformio 12m o led ac 11m o ddyfnder, er bod modd perfformio’r mwyafrif o’r darnau ar lwyfan dipyn yn llai. Caiff lleoliadau sy’n gallu dal 400-700 o bobl eu cynnwys yn aml o fewn ein proffil teithio. Mae ein criw teithio arferol yn cynnwys 15 o bobl – sef 9 o ddawnswyr, 3 o dechnegwyr a staff cynhyrchu, cyfarwyddwr ymarfer, cyfarwyddwr artistig a chynhyrchydd. Yn fwyfwy y dyddiau hyn, rydym yn ceisio teithio mewn ffordd mor gynaliadwy â phosibl, gan gyflogi pobl leol a defnyddio cyflenwyr lleol i raddau mwy nag o’r blaen. Fel arfer, rydym yn teithio gyda desg ETC G1O, gyda meddalwedd rheoli sain Qlab ar MacBook Pro. Ar hyn o bryd, mae gennym dri darn y gallwn deithio’n rhyngwladol gyda nhw, sef: Waltz gan Marcos Morau AUGUST gan Matthew Wiliam Robinson Skinners gan Melanie Lane Bydd perfformiad dwbl o AUGUST a Skinners yn cael ei gynnal am y tro cyntaf yn Theatr y Sherman, Caerdydd ar 19 Medi 2024. Rhagor o wybodaeth Os hoffech gael rhagor o wybodaeth, cysylltwch â: Chris Ricketts, Cynhyrchydd Gweithredol chris@ndcwales.co.uk
Skinners Skinners gan Melanie Lane: Rydym yn byw mewn oes ddigidol. Y tu hwnt i’r ffantasïau a wireddir gan dechnoleg, erys ein dynoliaeth. Gwybod mwy
Waltz Waltz gan Marcos Morau Mae waltz atgofus yn chwarae yn y pellter. Allan o’r lludw daw cwlwm o greaduriaid gloyw i fyw mewn byd newydd. Yn y dryswch a’r cynnwrf eu hunig obaith yw parhau’n unedig. Os wnaethoch chi fwynhau byd coreograffig trydanol Tundra yn 2017, mae hwn yn gyfle arall i brofi gwaith gan Marcos Morau, y coreograffydd arloesol o Sbaen. Gwybod mwy
Why Are People Clapping!? Wedi’i hysbrydoli gan gerddoriaeth glapio’r cyfansoddwr Steve Reich, mae ‘Why Are People Clapping?’ yn defnyddio rhythm ac offerynnau taro fel sylfaen. Gwybod mwy