Skinners

Yn teithio fel rhan o

two dancers twist together under a strange blue light, there is a red neon line running horizontally across the page behind them

Frontiers | Gorwelion

Hydref 2024

Hydref 2024: Dewch i ddianc i fyd llawn cyffro

Folk image, 2 dancers, 1 leaping into the air

Teithio rhyngwladol

Dysgwch fwy am berfformiadau rhyngwladol Cwmni Dawns Cenedlaethol Cymru.

Gwybod mwy

Skinners gan Melanie Lane

Rydym yn byw mewn oes ddigidol. Rydym yn defnyddio hidlyddion i bylu realiti, a rhithffurfiau i guddio pwy ydym ni. Rydym yn siarad gyda Deallusrwydd Artiffisial, ac mae’r Deallusrwydd hwnnw yn siarad yn ôl gyda ni. Rydym yn gwegian ar ymyl dyfodol gwefreiddiol a dychrynllyd lle mae’r corff dynol yn camweithio rhwng cnawd a rhith, ffaith a ffuglen.

Y tu hwnt i’r ffantasïau a wireddir gan dechnoleg, erys ein dynoliaeth. Sut y gallwn ddychwelyd at y byd go iawn? Sut y gallwn ddychwelyd at ein croen, sy’n rhan annatod ohonom?

Mae Skinners gan Melanie Lane (coreograffydd o Awstralia o darddiad Ewropeaidd a Jafanaidd) yn cynnwys cerddoriaeth newydd gan y cyfansoddwr Yamila Rios, gwisgoedd gan Don Aretino a goleuadau gan y dylunydd Cymreig Ceri James.

Tîm Creadigol

Coreograffwr: Melanie Lane
Cyfansoddwr: Yamila Rios
Dylunio Gwisgoedd: Don Aretino
Dyluniad Goleuo: Ceri James

Creu Gyda: Alys Davies, Samuel Gilovitz, Jill Goh, Niamh Keeling, Mario Manara, Edward Myhill a Faye Tan

Melanie Lane
Coreograffydd a pherfformiwr o Awstralia a chanddi dreftadaeth ddiwylliannol Jafanaidd/Ewropeaidd yw Melanie Lane. Mae’n gweithio ar draws y celfyddydau gweledol, theatr, cerddoriaeth a ffilm. Mae ei gwaith yn ymdrin â hanes ffisegol a diwylliannol er mwyn archwilio mytholegau cymdeithasol cyfredol, gan eu hallosod ar ffurf dyfodol swreal sy’n ddryslyd, yn doredig ac wedi’i ad-drefnu. Cyflwynwyd y gweithiau annibynnol hyn ledled y byd mewn gwyliau a theatrau yn Ewrop, Indonesia, Unol Daleithiau America ac Awstralia. Gan ddefnyddio’i threftadaeth Ewropeaidd ac Indonesaidd, mae Lane yn symud rhwng tirluniau a dylanwadau diwylliannol. Mae Melanie yn ymgysylltu’n rheolaidd ar draws prosiectau yn Indonesia fel coreograffydd, cydweithredwr, perfformiwr a mentor.

Ffoto: Barbara Dietl

Coreograffwr