Cwmni Dawns Cenedlaethol Cymru Frontiers | Gorwelion Hydref 2024 Gwybodaeth ynghylch y cynhyrchiad Coreograffi gan Matthew William Robinson a Melanie Lane Edrychwch ar ein rhaglen ar-lein am ddim! Dewch i ddianc i fyd yn llawn cyffro trwy wylio dwy ddawns gan Gwmni Dawns Cenedlaethol Cymru – profiad dawns cadarnhaol a gwirioneddol gelfydd. Teithiol Hydref 2024 Cefnogir gan: AUGUST gan Matthew William Robinson Wrth i’r haul fachlud, newidiodd popeth. Machlud yr haul sydd wedi ysbrydoli AUGUST – gofod rhwng rheolaeth a rhyfyg. Gorffen a ffarwelio yw hanfod AUGUST. Y newidiadau sy’n ein dwyn ynghyd ac yn ein gwahanu. Law yn llaw â lliwiau gwan y cyfnos a fflachiau neon y nos, mae AUGUST yn teithio trwy dirwedd synhwyraidd sy’n symud rhwng y peryglus a’r hardd. Cydweithrediad artistig rhwng y coreograffydd Matthew William Robinson, y cyfansoddwr Torben Sylvest, y dylunydd George Hampton Wale, y dylunydd goleuadau Emma Jones ac artistiaid Cwmni Dawns Cenedlaethol Cymru Skinners gan Melanie Lane Rydym yn byw mewn oes ddigidol. Rydym yn defnyddio hidlyddion i bylu realiti, a rhithffurfiau i guddio pwy ydym ni. Rydym yn siarad gyda Deallusrwydd Artiffisial, ac mae’r Deallusrwydd hwnnw yn siarad yn ôl gyda ni. Rydym yn gwegian ar ymyl dyfodol gwefreiddiol a dychrynllyd lle mae’r corff dynol yn camweithio rhwng cnawd a rhith, ffaith a ffuglen. Y tu hwnt i’r ffantasïau a wireddir gan dechnoleg, erys ein dynoliaeth. Sut y gallwn ddychwelyd at y byd go iawn? Sut y gallwn ddychwelyd at ein croen, sy’n rhan annatod ohonom? Mae Skinners gan Melanie Lane (coreograffydd o Awstralia o darddiad Ewropeaidd a Jafanaidd) yn cynnwys cerddoriaeth newydd gan y cyfansoddwr Yamila Rios, gwisgoedd gan Don Aretino a goleuadau gan y dylunydd Cymreig Ceri James. Tîm Creadigol Choreographer: Matthew William Robinson Cyfansoddwr: Torben Slyvest Dylunio Gwisgoedd: George Hampton-Wale Dyluniad Goleuo: Emma Jones Matthew William Robinson Mae Matthew Robinson (ef) yn artist gweithredol sydd wedi'i leoli yn y Deyrnas Unedig ar hyn o bryd. Bydd yn gweithio ar y cyd ag eraill yn rhyngwladol, mewn amrywiaeth o gyd-destunau - fel dawnsiwr, coreograffydd, hwylusydd, cyfarwyddwr ymarferion a chyfarwyddwr artistig, ac ef yw Cyfarwyddwr Artistig presennol Cwmni Dawns Cenedlaethol Cymru. Mae ei waith coreograffi wedi cael ei gyflwyno'n eang ledled y Deyrnas Unedig ac yn rhyngwladol, mewn lleoliadau a gwyliau yn Ewrop a thu hwnt. Drwy gyfrwng y corff, mae'r gwaith yn mynd ati i geisio cyfleu gwrthddywediadau ac emosiynau cymhleth, drwy gyfansoddiadau coreograffig hynod gorfforol. Gan gydweithio ar draws ffurfiau, mae Matthew'n rhan o sawl partneriaeth gydweithredol sydd eisoes ar y gweill, a rhai sydd yn yr arfaeth, ym meysydd sain, ffasiwn, theatr a thechnoleg. Coreograffwr Matthew William Robinson Tîm Creadigol Coreograffwr: Melanie Lane Cyfansoddwr: Yamila Rios Dylunio Gwisgoedd: Don Aretino Dyluniad Goleuo: Ceri James Melanie Lane Coreograffydd a pherfformiwr o Awstralia a chanddi dreftadaeth ddiwylliannol Jafanaidd/Ewropeaidd yw Melanie Lane. Mae’n gweithio ar draws y celfyddydau gweledol, theatr, cerddoriaeth a ffilm. Mae ei gwaith yn ymdrin â hanes ffisegol a diwylliannol er mwyn archwilio mytholegau cymdeithasol cyfredol, gan eu hallosod ar ffurf dyfodol swreal sy’n ddryslyd, yn doredig ac wedi’i ad-drefnu. Cyflwynwyd y gweithiau annibynnol hyn ledled y byd mewn gwyliau a theatrau yn Ewrop, Indonesia, Unol Daleithiau America ac Awstralia. Gan ddefnyddio’i threftadaeth Ewropeaidd ac Indonesaidd, mae Lane yn symud rhwng tirluniau a dylanwadau diwylliannol. Mae Melanie yn ymgysylltu’n rheolaidd ar draws prosiectau yn Indonesia fel coreograffydd, cydweithredwr, perfformiwr a mentor. Ffoto: Barbara Dietl Coreograffwr Melanie Lane Galeri Yn mynd ar daith i Aberhonddu Theatr Brycheiniog Dydd Mercher 16 Hydref 2024, 19:30 Archebwch Nawr Drenewydd Y Hafren Dydd Sadwrn 26 Hydref 2024, 19:30 Archebwch Nawr Bangor Pontio Dydd Mercher 6 Tachwedd 2024, 19:30 Archebwch Nawr Huddersfield Lawrence Batley Theatre Dydd Mawrth 12 Tachwedd 2024, 19:30 Archebwch Nawr Aberystwyth Canolfan Celfyddydau Aberystwyth Dydd Mercher 20 Tachwedd 2024, 19:30 Archebwch Nawr
Skinners Skinners gan Melanie Lane: Rydym yn byw mewn oes ddigidol. Y tu hwnt i’r ffantasïau a wireddir gan dechnoleg, erys ein dynoliaeth. Gwybod mwy