Rheolwr y Prosiect

Mae Cwmni Dawns Cenedlaethol Cymru eisiau contractio Rheolwr Prosiect profiadol, rhagweithiol ac agos-atoch i ddatblygu strategaeth i sicrhau dyfodol 'Above & Beyond', prosiect hirdymor a ddarperir ym Mhenrhys (Rhondda Cynon Taf).

Dygu Mwy am Above & Beyond yma 

Cenhadaeth y prosiect yw trawsnewid y gymuned trwy weithgaredd diwylliannol er mwyn sicrhau newid cymdeithasol cadarnhaol ac i bobl Penrhys gael mwy o lais ac edrych tuag at ddyfodol cadarnhaol.

Mae Above & Beyond yn brosiect cymunedol esblygol sy'n dod â chymuned Penrhys a phartneriaid, cydweithwyr a phobl greadigol at ei gilydd. Mae'r partneriaid yn cynnwys Ysgol Gynradd Penrhys, Cymdeithas Tai Trivallis, Gwasanaeth Celfyddydau Cyngor Rhondda Cynon Taf, Tŷ Cerdd, Valleys Kids ac Eglwys Unedig Llanfair.

Mae'r prosiect, sydd bellach yn ei bumed flwyddyn, wedi cael effaith fawr yn y gymuned ac mae pawb sy'n gysylltiedig yn parhau i fod â dyheadau, balchder a gobaith i Penrhys fod yn ganolbwynt ar gyfer mynegiant artistig unigryw, cydlyniant cymunedol a newid cymdeithasol cadarnhaol.

Mae'r rhaglen wedi datblygu ac esblygu mewn ymateb uniongyrchol i ddysgu, profiadau ac ymgysylltu â'r gymuned. Mae'r rhaglen artistig dros y pum mlynedd wedi canolbwyntio ar Ddawns Parkour yn bennaf, ochr yn ochr â gweithgareddau drama a bît-bocsio. Mae'r cyfuniad unigryw hwn wedi bod yn arbennig o lwyddiannus wrth ymgysylltu â phobl ifanc. Mae gweithdai wythnosol wedi gweld cynnydd mewn chwilfrydedd, ffocws ac ymrwymiad gan drigolion ifanc Penrhys. Mae'r rhaglen weithgaredd hefyd yn cynnwys sesiynau symud ar gyfer Mamau, babanod a phlant bach, gweithgareddau clwb ar ôl ysgol, a sesiynau symud iach i oedolion.

Mae'r artistiaid arweiniol Sandra Harnisch-Lacey a Kyle Stead wedi bod yn gweithio yng nghymuned Penrhys ers sawl blwyddyn ac wedi datblygu methodoleg waith benodol yn seiliedig ar gyd-gynhyrchu ac ymarfer myfyriol ac atblygol. Bydd yr ymgeisydd yn cydweithio'n agos â'r ddau artist arweiniol ar bob agwedd ar y gwaith.

Rydym yn chwilio am Reolwr Prosiect i ddiffinio strategaeth tair blynedd (2025/2026 - 2027/2028) a fydd yn cael ei llywio gan y gymuned, Artistiaid Arweiniol a phartneriaid prosiect i sicrhau dyfodol hirdymor y prosiect.  Mae cydweithio yn elfen allweddol o ddatblygu'r strategaeth tair blynedd.

Bydd y Rheolwr Prosiect yn arwain ar ymgynghori, gwerthuso, adrodd ar effaith a gosod cyllideb i sefydlu strategaeth ar gyfer cyflawni hirdymor a fydd yn cael ei llywio gan angen cymunedol a'r canlyniadau a ddeisyfir. Bydd hyn yn cynnwys datblygu'r achos dros gefnogi, ymchwilio i, a diffinio cynllun codi arian i sicrhau buddsoddiad ariannol i ddiogelu dyfodol y prosiect.

Mae'r rôl hon yn addas i reolwr prosiect profiadol sydd â phrofiad strategol a phrofiad o godi arian ynghyd â sgiliau cyfathrebu rhagorol. Dylech fod yn angerddol am ymgysylltu â chyfranogwyr o bob oed a'r newid cymdeithasol cadarnhaol y gellir ei gyflawni trwy weithgaredd artistig.

Cyfanswm y ffi am y gweithgaredd hwn yw £8,640 yn seiliedig ar 36 diwrnod o waith ar gyfradd o £240 y dydd.

Gwaith i'w wneud rhwng y dyddiad cychwyn, sef 1 Hydref 2024 a 1 Gorffennaf 2025.

Mae gennym ddiddordeb arbennig mewn clywed gan bobl sy'n byw neu'n gweithio yn ardal RhCT.

Rydym yn cydnabod gwerthoedd cadarnhaol amrywiaeth.  Rydym yn hyrwyddo cydraddoldeb ac yn herio gwahaniaethu, ac oherwydd ein bod am adlewyrchu'r gymdeithas yr ydym yn gweithio ynddi ac yn ei charu, rydym yn croesawu ceisiadau gan bobl sy'n fyddar ac yn anabl a'r Mwyafrif Byd-eang.

Contract y Rheolwr Prosiect

Mae Cwmni Dawns Cenedlaethol Cymru eisiau contractio Rheolwr Prosiect profiadol, rhagweithiol ac agos atoch i ddatblygu strategaeth i sicrhau dyfodol 'Above & Beyond', prosiect hirdymor a ddarperir ym Mhenrhys (Rhondda Cynon Taf), gan weithio'n agos gyda'r gymuned, artistiaid arweiniol a phartneriaid prosiect. Gellir cyflawni’r rôl o bell ond o bryd i’w gilydd, bydd angen mynd ar ymweliadau i ymgynghori â thrigolion Penrhys a phartneriaid yn RhCT, a mynychu cyfarfodydd yn y Tŷ Dawns, Bae Caerdydd. 

Yn adrodd i: Cynhyrchydd Ymgysylltu Cwmni Dawns Cenedlaethol Cymru

Cyfrifoldebau allweddol

• Ymgynghori â thrigolion Penrhys i sefydlu angen a’r canlyniadau a ddeisyfir i sicrhau bod y gymuned yn cymryd rhan lawn yn y gwaith o gynllunio a datblygu dyfodol y prosiect
• Gweithio gyda'r prif artistiaid, cynhyrchwyr, y gymuned a phartneriaid i ddatblygu strategaeth 3 blynedd (gan gynnwys y gyllideb)
• Arwain ar werthuso prosiectau ac adrodd ar effaith
• Bod yn gyfrifol am gasglu ystadegau ar gyfer y prosiect
• Arwain ar reoli cyllideb y prosiect
• Arwain ar ddatblygu achos am gymorth a chynhyrchu'r wybodaeth a'r adnoddau sydd eu hangen i sicrhau cymorth ariannol
• Ymchwilio i, a diffinio cynllun gweithredu i sicrhau buddsoddiad ariannol i ddiogelu dyfodol y prosiect
• Sicrhau bod y tîm cyflawni yn cael cefnogaeth dda a bod eu hiechyd a'u lles yn cael eu hystyried
• Creu a chynnal fforwm cefnogol i dîm y prosiect, partneriaid a chyfranogwyr lle gallant gynnig a herio syniadau
• Casglu adborth gan gyfranogwyr a sefydliadau partner a chyfrannu at adroddiadau parhaus a'r adroddiad gwerthuso terfynol.
• Mynychu cyfarfodydd yn bersonol ac ar-lein drwy gydol y prosiect.

Sut i wneud cais

Cyflwynwch CV a chynnig ysgrifenedig yn manylu ar eich profiad a'ch dull o ymdrin â'r contract hwn a'i anfon at megan@ndcwales.co.uk erbyn 15 Awst 2024 12.00pm

Llenwch ein ffurflen Cyfle Cyfartal hefyd, sydd at ddibenion monitro ac sydd ar wahân i'ch cynnig.

Gallwch wneud cais yn unrhyw un o'r ffyrdd canlynol, yn Gymraeg neu yn Saesneg:
Cynnig o ddim mwy na thair tudalen o A4 (maint ffont 12 pwynt),
Ffeil sain heb fod yn fwy na 10 munud,
Ffeil fideo MP3/MP4 10 heb fod yn fwy na 10 munud gan ddefnyddio We Transfer.

Byddwn yn cysylltu â phob ymgeisydd p'un a ydynt ar y rhestr fer ar gyfer cyfweliad ai peidio.

Bydd ymgeiswyr anabl sy'n dangos bod ganddynt y profiad perthnasol yn cael eu gwahodd am gyfweliad, ac rydym wedi ymrwymo i fodloni gofynion mynediad; gadewch i ni wybod beth sydd ei angen arnoch chi.