Rygbi Pecyn Dysgu

LLIWIAU AR Y LLAWR 

Oedran a Argymhellir 4+ 
Hyd 10 munud+ 
Maint grŵp 1+ 

Gan ddefnyddio unrhyw wrthrych lliw (er enghraifft sbotiau papur, clustogau neu degannau), gorchuddiwch y llawr fel bod gennych amrywiaeth o liwiau a gwrthrychau wedi'u gwasgaru'n hafal. Gallwch droi'r dasg yn her helfa drysor lliwiau cartref os y dymunwch! Unwaith rydych wedi casglu eich gwrthrychau, gwaeddwch ddilyniant o liwiau, ac mae'n rhaid i'ch dawnsiwr daro ar y lliwiau yn y drefn gywir.  

Mae'r gweithgaredd hwn yn helpu i: 

• Gynhesu'r corff 

• Dysgu a chofio patrymau  

• Dod o hyd i ffyrdd creadigol i symud 

• Archwilio'r man a gwahanol lwybrau 

CREU'R DARLUN 

Oedran a argymhellir 5+ 
Hyd 10 munud+ 
Maint grŵp 1+ 

Gan ddefnyddio eich corff, ceisiwch ail-greu darlun o fewn amser penodol, a daliwch y siâp hwnnw. Gallwch ddefnyddio llun neu wrthrych yn y cartref, neu rhowch enghraifft o siâp neu ddarlun.  

Neu, defnyddiwch eiriau sy'n creu darlun corfforol cyffrous yn eich barn chi. Gallwch greu rai cardiau â'r geiriau arnynt, ac ychwanegu llun ar y diwedd i gefnogi dysgu llythrennedd. Gofynnwch i'r dawnswyr ddewis darlun o'r pecyn. Gallwch hyd yn oed roi'r geiriau mewn bag a'u dewis nhw ar ddull 'Lucky Dip'. Yna, bydd y dawnswyr yn dyfalu'r siâp sy'n cael ei ail-greu! 

Mae'r gweithgaredd hwn yn helpu i: 

• Adeiladu sgiliau gweithio mewn tîm 

• Dod o hyd i ffyrdd creadigol i ddefnyddio'r corff 

• Datblygu ffocws 

• Ysgrifennu 

• Arlunio 

• Sgiliau motor 

DAWNS RYGBI 

Oedran a Argymhellir 4+ 
Hyd 10 munud+ 
Maint grŵp 1+ 

Meddyliwch am y siapiau rydych yn eu gweld ar y cae mewn gêm rygbi. Meddyliwch am y siapiau mae'r chwaraewyr yn eu creu - wrth sgorio cais, taclo, neu'r siapiau eraill rydych yn eu gweld o gwmpas y stadiwm, megis y bêl, y pyst neu'r stadiwm ei hun.  

Dewiswch bedwar sy'n ddiddorol a chyffrous i chi. Ychwanegwch siapiau sy'n uchel a siapiau rydych yn eu gweld ar y llawr i roi amrywiaeth i'ch dawns! 

Mae'r gweithgaredd hwn yn helpu i: 

·         Datblygu cof a dilyniant 

·         Dod o hyd i ffyrdd creadigol i ddefnyddio'r corff 

·         Datblygu ffocws 

·         Ysgrifennu 

·         Darlunio 

·         Sgiliau motor 

Mwy o Weithgareddau

Os ydych yn chwilio am fwy o weithgareddau, gallwch eu lawrlwytho o’n taflenni gwahanol isod.

ARWAIN, CYFFWRDD A DILYN 

Gweithiwch mewn parau, gydag un person yn arwain a'r llall yn dilyn. Mae'r arweinydd yn cyffwrdd y dilynwr i'w arwain a gwneud iddo symud. Mae'n rhaid i'r dilynwr symud pob rhan o'r corff tuag at yr arweinydd i allu cychwyn symud. 

PEIRIANNAU 

Camwch i mewn i'r gwagle a pherfformiwch arwydd ailadroddus, boed ar eich pen eich hun, gyda phartner neu eich teulu.

CREU DARLUN 

Defnyddiwch rai o'r darluniau isod i ail-greu'r hyn rydych yn ei weld, boed ar eich pen eich hun, gyda phartner neu eich teulu.

DYLUNIWCH EICH CIT RYGBI EICH HUN

Dyluniwyd y citiau yn ‘Rygbi’ gydag atgofion a phersonoliaethau ein dawnswyr unigol. Gan ddefnyddio'r templed a ddarperir isod, crëwch eich cit eich hun.